თქვენ იმყოფებით სახელმწიფო ინსპექტორის სამსახურის ვებგვერდზე. ვებგვერდით სარგებლობის პროცესის გასამარტივებლად, ვებგვერდი იყენებს „მზა-ჩანაწერებს“ (Cookies). „მზა-ჩანაწერებს“ გამოყენების თაობაზე დამატებითი ინფორმაციის მისაღებად, გთხოვთ, გადახვიდეთ შემდეგ ბმულზე მზა-ჩანაწერების“ პოლიტიკა.
თანახმა ვარ „მზა-ჩანაწერების“ გამოყენებაზე არ ვარ თანახმა „მზა-ჩანაწერების“ გამოყენებაზე

21 სექტემბერი 2021

სტაჟიორ-გამომძიებელთა შესარჩევი კონკურსი, სახელმწიფო ინსპექტორის სამსახურში, 2021 წლის 11 ოქტომბერს გამოცხადდება!

სტაჟიორ-გამომძიებელთა შესარჩევი კონკურსი, სახელმწიფო ინსპექტორის სამსახურში, 2021 წლის 11 ოქტომბერს გამოცხადდება!
თუ გსურთ გახდეთ სახელმწიფო ინსპექტორის სამსახურის სტაჟიორ-გამომძიებელი, მზად შეხვდეთ ზემოაღნიშნულ კონკურსს და ჯერ არ ფლობთ საკვალიფიკაციო გამოცდის დამადასტურებელ სერტიფიკატს, ჩააბარეთ იუსტიციის სასწავლო ცენტრის ერთიანი საკვალიფიკაციო გამოცდა, რომელიც დღეს გამოცხადდა.

საკვალიფიკაციო გამოცდის ჩაბარების დამადასტურებელი სერტიფიკატი აუცილებელია, ვინაიდან სტაჟიორ-გამომძიებლად შეიძლება დაინიშნოს მხოლოდ უმაღლესი იურიდიული განათლების მქონე საქართველოს მოქალაქე, რომელიც ფლობს სახელმწიფო ენას და ჩაბარებული აქვს საქართველოს იუსტიციის სასწავლო ცენტრში ერთიანი საკვალიფიკაციო გამოცდა ან მოსამართლეობის, პროკურატურის ან ადვოკატთა საკვალიფიკაციო გამოცდა საერთო ან სისხლის სამართლის სპეციალიზაციით.

საკვალიფიკაციო გამოცდის ჩაბარების შემთხვევაში, შესაძლებლობა მოგეცემათ მონაწილეობა მიიღოთ სახელმწიფო ინსპექტორის სამსახურის სტაჟიორ-გამომძიებელთა შესარჩევ კონკურსში, გახდეთ წარმატებული კანდიდატი და პროფესიონალ გამომძიებელთა გუნდთან ერთად გაიაროთ ერთ წლამდე ანაზღაურებადი სტაჟირება.

საკვალიფიკაციო გამოცდაზე დეტალური ინფორმაციის მისაღებად, გთხოვთ, ეწვიოთ შემდეგ ბმულს: http://www.tcj.gov.ge/ka/news/642/

გისურვებთ წარმატებებს!