თქვენ იმყოფებით სახელმწიფო ინსპექტორის სამსახურის ვებგვერდზე. ვებგვერდით სარგებლობის პროცესის გასამარტივებლად, ვებგვერდი იყენებს „მზა-ჩანაწერებს“ (Cookies). „მზა-ჩანაწერებს“ გამოყენების თაობაზე დამატებითი ინფორმაციის მისაღებად, გთხოვთ, გადახვიდეთ შემდეგ ბმულზე მზა-ჩანაწერების“ პოლიტიკა.
თანახმა ვარ „მზა-ჩანაწერების“ გამოყენებაზე არ ვარ თანახმა „მზა-ჩანაწერების“ გამოყენებაზე

16 ივნისი 2021

სახელმწიფო ინსპექტორი საქართველოს პარლამენტის თავმჯდომარეს შეხვდა

სახელმწიფო ინსპექტორმა ლონდა თოლორაიამ საქართველოს პარლამენტის თავმჯდომარე კახა კუჭავასთან შეხვედრა გამართა.

შეხვედრის ფარგლებში, სახელმწიფო ინსპექტორმა პარლამენტის თავმჯდომარესთან ერთად განიხილა საქართველოში პერსონალურ მონაცემთა დაცვის მდგომარეობა და ამ სფეროში არსებული გამოწვევები, ,,პერსონალურ მონაცემთა დაცვის შესახებ” კანონის პროექტის მიღების მნიშვნელობა, ასევე, სამსახურის მუშაობა საგამოძიებო მიმართულებით და უწყების გაძლიერების მიზნით გადასადგმელი საკანონმდებლო და პრაქტიკული ნაბიჯები.

პარლამენტის თავმჯდომარემ სახელმწიფო ინსპექტორის სამსახურს სამომავლო ინსტიტუციური განვითარების პროცესში მხარდაჭერა აღუთქვა. მხარეები სამსახურის წინაშე არსებული გამოწვევების დაძლევის მიზნით სამომავლო თანამშრომლობაზე შეთანხმდნენ.